AKHIL sutaria

નાના બાળકોની દુનિયા જ અલગ હોય છે. તેમને માટે કંઇ જ નવું જૂનું હોતું નથી. બસ ઘણું બધું ગમતું અને બહુ ઓછું અણગમતું.

બે શબ્દો.

જીવનને જાણવા, જીવવા, જીતવા અને માણવા માટે મને પહેલેથી જ ઉત્કંઠા રહી છે. બાળપણમાં દાદા-દાદી પાસેથી વાર્તાઓ સાંભળતો .. માતા-પિતા પાસેથી એમના અનુભવ જાણતો .. કિશોરાવસ્થાએ મિત્રો સાથે ધમાલમસ્તી કરતા કરતા ભણ્યો અને ન શીખવાનું ય શીખ્યો .. યુવાનીમાં જીવનની અટપટી આંટીઘૂંટીઓ ના પાઠ જાણ્યા ... સંસારની જવાબદારી સ્વીકારી .. નિભાવી .. અને હવે એમ લાગે છે કે, આ ધરતી પરના પ્રત્યેક વ્યક્તિ પાસે કોઈકને કોઈક "વાર્તા" એવી છે જે આપણને જીવનની ગુઢ બાબત અત્યંત સરળતાથી સમજવા માટે પ્રેરિત કરી શકે છે.

અમારી વાત વિડીયો દ્વારા .. તમારો અભિપ્રાય અક્ષરો દ્વારા .. અખિલ ટીવી ડોટ કોમ પરથી આવી રીતે મારા વિડિયો બ્લોગને શામેલ કરી આપણી ઇન્ટરેકટીવીટી વધારવા આ પ્રયોગ કર્યો છે. આશા છે તમને ગમશે અને આપણી વચ્ચે વિવિધ વિષયો પર સંવાદ રચવા કારણ મળશે કારણકે, જીવન સફરમાં રોજે રોજ કંઇક નવું જાણવા જેવું આપણી આજુ બાજુના વિશ્વમાં બનતું જ હોય છે. મને ગમતા મેં જોયેલા અન્યોના વિડિયો પણ અહિ ચર્ચામાં લઇશું.

અખિલ સુતરીઆ

આપનો સહયોગ

મારી જીવનસાથી તૃપ્તિએ અને મેં નક્કી કર્યું કે, ચાલો.. આપણે ગામે ગામ આપના વિડીયો કેમેરા સાથે અજાણ્યા લોકોને જાણવા જઈએ .. મળવા જઈએ ... તેમની પાસે તેમની ભાષામાં તેમની અદામાં તેમના જીવનની "વાર્તાઓ" સાંભળીએ ... અને આ માધ્યમ દ્વારા વિશ્વભરના લોકો સુધી પહોચાડીએ .. !!

અમારા રાત્રી રોકાણ, નિવાસ અને ભોજનની વ્યવસ્થા કોઇ પણ એક શાકાહારી પરિવાર સાથે જ કરવા વિનંતી.

(હોટલ કે ધર્મશાળામાં રહેવાને બદલે કોક અપરીચિત પરિવાર સાથે પરિચય કેળવવાનું વધારે ગમે છે.)

સ્વાગત, પરિચય કે આભારવિધિ તેમજ ભેટ,મેમેન્ટો કે પુષ્પગુચ્છ સ્વીકારવાથી દુર રહીએ છીએ.

અમારી મારુતી વાન માટે જરૂરીઆત પૂરતું આવવા જવાનું બળતણ, તમારી સાથે સાદું રોકાણ, સાત્વિક ભોજન અને આત્મીય મહેમાનગતી એજ અમારું મહેનતાણું.

તમે કે તમારી સંસ્થા આ પ્રયાસમાં સહભાગી થવા સ્વૈચ્છિક આર્થિક અનુદાન આપશો તો તે અમને પ્રવાસ માટે જરૂરી પેટ્રોલ કે સીએનજી ખરીદવા તેમજ સંદેશ વ્યવહારના ખર્ચ માટે ઉપયોગી થઇ પડશે.

આ ઉપરાંત જો કોઇ વધારાની માહિતી કે જાણકારીની જરૂર હોય તો અમારો સંપર્ક વીના સંકોચ જરૂરથી કરજો.

AKHIL sutaria

Pages

No comments:

Post a Comment